Çar Neçar - Ciwanmerd Kulek - Avesta Yayınları

Berhema Ciwanmerd Kulek ku ji 4 çîrokan pêk tê “Çar Neçar” derket.

Çîroka her tiştî heye û vê carê tiştên ku çîroka wan nehatine gotin serpêhatiya xwe vedibêjin.
Çîrok tên gotin, gotin dibin çîrok.

Bêjeyek li xwe mikur tê, mirin dikeve dewsa jiyanê, nebûn dorê ji hebûnê distîne, dawî dikeve pêşiya her tiştî.

Careke dî her tişt dema tê vegotin rasteqîntir dibe.

Ciwanmerd Kulek çar çîrokên xwe yên dî ji nû ve kişif dike û me li pey çîroka wan digerîne. Kevn nû dibe, nû kevin dibe, xeyal dibe rastî, rastî dibe xeyal, û her tişt çawa em dizanin, wiha ye.